Фильмда 101 та ўзбек аскарининг фожеали ва қаҳрамона тақдири ҳикоя қилинади. Улар Нидерландия ҳудудида жойлашган Амерсфорт концентрацион лагерида, ғайриинсоний ва даҳшатли шароитларда, доимий азобли очлик ва совуқда, шафқатсиз калтакларни бошдан кечирган ҳолда одамийликни йўқотмадилар. Балки инсон руҳиятининг ҳақиқий баландлигини, ота-боболарининг ва халқининг анъаналари ва урф-одатларига содиқликларини кўрсатдилар. Бу ҳикоя фашизм назариясининг нақадар ёмон эканлигини ва инсоният қадр-қиммати, руҳиятининг кучи ва тарбиясини йўқ қилиб бўлмаслигини кўрсатиб берди.