Фильмда икки буюк шоир — Зулфия ва Ҳамид Олимжоннинг буюк муҳаббати ва уларнинг бир-бирига садоқати, турмушдаги оғир қисмати ҳамда қатор синовларни сабр билан енганликлари ҳикоя қилинади. Фильм Иккинчи жаҳон уруши даврида Ҳамид Олимжон фаолияти — шоир ва унинг ҳамроҳлари аскарларнинг руҳиятини кўтариш учун фронтга бориб, шеърлар ўқиган саҳналарни ўз ичига олади. Ушбу саҳналар «Беларусьфильм» майдонларида суратга олинади.