Bugun Kinematografiya agentligi direktori o‘rinbosari A. Xadjayev Qozog‘istonda ochiladigan New York Film Academy (NYFA) yangi filiali rahbariyati bilan uchrashuv o‘tkazdi.
Uchrashuv davomida filial rektori Gani Nigmetov akademiya va uning faoliyati haqida batafsil ma’lumot berdi.
Ma’lumot uchun:
✅ 2024-yil avgust oyida Qozog‘istonning Almatı viloyati Qasqelen shahrida Gumarbek Daukeyev nomidagi Almatı energetika va aloqa universiteti negizida mamlakatdagi birinchi Kreativ industriyalar parki ochildi. Strategik hamkorlik doirasida Park hududida AQShdan tashqaridagi uchinchi kampus sifatida NYFA o‘z faoliyatini boshladi. Bu Qozog‘istondagi kreativ industriyalar sohasidagi birinchi xalqaro darajadagi universitet hisoblanadi.
O‘quv jarayoni
✅ 2025-yil 29-sentabrda boshlanishi rejalashtirilgan kunduzgi ta’lim dasturlarida AQShdan taklif etilgan NYFA o‘qituvchilari quyidagi yo‘nalishlarda dars beradi:
- Kinoprodüksiya (Filmmaking)
- Aktyorlik mahorati (Acting Technique)
- Ssenariy yozish san’ati (Screenwriting)
- Animatsiya va vizual effektlar (3D Animation & VFX)
- O‘yin dizayni (Game Design)
✅ Birinchi qabulda Qozog‘iston va Markaziy Osiyo davlatlaridan, jumladan O‘zbekistondan, 200 nafargacha talaba o‘qishga qabul qilinishi rejalashtirilgan. Bitiruvchilarga AQSh namunasi asosida diplom berilib, Nyu-York yoki Los-Anjeles kampuslarida tahsilni davom ettirish imkoniyati yaratiladi.
✅ Uchrashuvda ta’lim, talabalar almashinuvi, madaniy tashabbuslar hamda qo‘shma loyihalar bo‘yicha hamkorlik masalalari muhokama qilindi. Shuningdek, o‘zbekistonlik talabalar va boshqa manfaatdor fuqarolarning NYFA Qozog‘iston kampusida ta’lim olish imkoniyatlari haqida batafsil ma’lumot berildi.
✅ Kinematografiya agentligi ushbu loyiha doirasida ham, shuningdek Markaziy Osiyoda kreativ industriyalarni rivojlantirishga qaratilgan keng qamrovli tashabbuslarda ham NYFA bilan uzoq muddatli va samarali hamkorlikni yo‘lga qo‘yishga umid bildirdi.
Yangiliklar
O‘zbekiston va Qozog‘iston o‘rtasida kreativ industriyalar sohasida yangi hamkorlik imkoniyatlari
Boshqa yangiliklar
Arizalar 2025-yil 20-sentyabrgacha qabul qilinadi.
🔗 Batafsil: 👉 https://telegra.ph/Ozbekiston-Respublikasi-Madaniyat-vazirligi-huzuridagi-Kinematografiya-agentligi-turli-mavzulardagi-kinoloyihalar-uchun-ijodiy-t-09-09
10.09.2025 05:43
Bugun O‘zbekiston Milliy kino san’ati saroyida Kinematografiya sohasi uchun o‘rta-maxsus mutaxassislarni tayyorlash va qayta tayyorlash maktabi — Kinomaktabning ochilish marosimi bo‘lib o‘tdi.
Ushbu ta’lim muassasasi O‘zbekiston Respublikasi Prezidentining 2024-yil 5-iyundagi PQ–209-son “Kinematografiya sohasini yanada rivojlantirish hamda mamlakatimiz tarixi haqida filmlar turkumini yaratishga doir chora-tadbirlar to‘g‘risidagi” qaroriga asosan tashkil etildi.
02.09.2025 11:42
2025 yil 10 iyuldagi Prezident qaroriga muvofiq, an’anaviy “Eng ulug‘, eng aziz” Respublika ko‘rik-tanlovi bu yil ham yuksak saviyada tashkil etildi.
26 avgusti kuni Yoshlar ishlari agentligi anjumanlar zalida tanlovning respublika bosqichi g‘oliblarini taqdirlash marosimi tantanali ravishda o‘tkazildi.
Tadbir O‘zbekiston Jurnalistlar uyushmasi boshchiligida, Yozuvchilar uyushmasi, Kinematografiya agentligi, Milliy media birlashmasi, Respublika “Tasviriy oyina” ijodiy uyushmasi, Badiiy akademiya, O‘zbekiston Milliy axborot agentligi hamda Milliy teleradiokompaniya hamkorligida o‘tdi.
Bu yilgi tanlov 7 ta nominatsiya bo‘yicha o‘tkazildi. Ulardan biri – “Kino san’ati asarlari” bo‘lib, unda:
“Vatan uchun, millat uchun, xalq uchun!” degan ulug‘ g‘oyani o‘zida mujassam etgan, zamonaviy O‘zbekiston hayoti, xalqimizning fidokorona mehnatlari, yosh avlod tarbiyasi va milliy qadriyatlarimizni chuqur aks ettirgan filmlar munosib baholandi.
“Kino san’ati asarlari” nominatsiyasi yo‘nalishida quyidagi rejissyorlarning asarlari g‘olib deb topildi:
1️⃣ Rejissyor Abu Tolib Adamqulov “Pandemiya. Kovid-19” badiiy filmi uchun.
Filmda 2020–2021 yillardagi pandemiya davri, shifokorlarimiz matonati va tibbiyotda amalga oshirilgan islohotlar hayotiy obrazlar orqali namoyon etildi. Film yoshlarni vatanparvarlik va kasbga sadoqat ruhida tarbiyalash g‘oyasini ilgari suradi.
2️⃣ Abdulatif Haydarov “Buyuk bobolarim bolaligi” turkumidagi animatsiya filmlari uchun. Asarlarda buyuk ajdodlarga hurmat va yoshlarni ilm-ma’rifatga undash g‘oyasi chuqur ifodalangan.
3️⃣ Saida’loxon Masudxonov “Vali G‘afurov. Igna bilan yozilgan roman” hujjatli filmidagi rejissyorlik ishi uchun. Filmda ikkinchi jahon urushi ortidan imkoniyati cheklangan bo‘lsa-da, o‘qituvchilik va yozuvchilikni birdek olib borgan, “Vafodor” romani muallifi Vali G‘afurovning matonatli taqdiri teran yoritilgan.
Bu asarlar nafaqat tomoshabin qalbida chuqur iz qoldirdi, balki mustaqil O‘zbekistonning yangi taraqqiyot bosqichida milliy g‘urur va Vatan tuyg‘usini targ‘ib etishda o‘zining munosib ulushini qo‘sha oldi.
26.08.2025 11:04
Bugun O‘zbekiston Respublikasi Kinematografiya agentligi direktori Shuhrat Rizayev Xitoy kinoarxivi direktori o‘rinbosari Zhang Xuxia boshchiligidagi delegatsiyani qabul qildi.
Suhbat chog‘ida ikki davlat o‘rtasida kino va kinoarxivshunoslik yo‘nalishida o‘zaro hamkorlikni kengaytirish masalalari muhokama qilindi.
✅Xitoy xalqining yapon bosqinchilariga qarshi kurashi va jahon antifashistik urushi g‘alabasining 80 yilligiga bag‘ishlangan filmlar namoyishi hamda fotoko‘rgazmani tashkil etish masalasi kelishildi. Mazkur tadbirlar 26–27-avgust kunlari O‘zbekiston Milliy kino san’ati saroyida bo‘lib o‘tadi.
✅ Shuningdek, tomonlar O‘zbekiston Milliy kino fondi mutaxassislarini Xitoyda malaka oshirish, ular uchun amaliy o‘quv dasturlarini yo‘lga qo‘yish hamda xitoylik mutaxassislarni O‘zbekistonga taklif etib, master-klass mashg‘ulotlarini o‘tkazish masalasida kelishib oldilar.
Uchrashuv davomida kelgusida O‘zbekiston Kinematografiya agentligi va Xitoy kinoarxivi o‘rtasida qo‘shma loyihalar, tajriba almashinuvi hamda madaniy aloqalarni mustahkamlash bo‘yicha ham fikr almashildi.
Tomonlar bunday uchrashuvlar ikki xalq o‘rtasidagi madaniy-madaniy aloqalarni yanada mustahkamlash, kino san’ati orqali do‘stlik rishtalarini mustahkamlashga xizmat qilishini alohida qayd etdilar.
26.08.2025 10:33
O‘zbekiston Respublikasi
Madaniyat vazirligi huzuridagi
Kinematografiya agentligi
Kontaktlar
+998 71 277 81 44
