Yangiliklar

⏳ Tanlov 2026-yilning 10-aprelidan 11-may sanasiga qadar davom etadi. 

✅ Tanlovda qatnashish uchun ishtirokchiga quyidagi malaka talablari qo‘yiladi:
Ishlar (xizmatlar)ni bajarish uchun zarur bo‘lgan kinoapparatura va mutaxassislarning mavjudligi;                                                                                                                            Ijodiy guruh tarkibida kamida bir nafar professional kinoijodkorning mavjudligi; Ishtirokchining kinoloyihada o‘z mablag‘lari hisobidan bajaradigan ishlari hajmi (foizda).

✅ Tanlovga taqdim etilgan qisqartirilgan adabiy ssenariylar (sinopsislar) quyidagi talablarga muvofiq bo‘lishi lozim:
o‘zbek tilida (Agar xorijiy tilda yozilsa, adabiy ssenariy tarjimasida yuzaga kelishi mumkin boʻlgan tafovutlarning oldini olish maqsadida oʻzbek tilidagi tarjimasi bilan birga topshiriladi), adabiy til va imlo qoidalariga rioya qilingan holda A4 formatda, 14 shriftda, 1,5 intervalda yozilgan bo‘lishi kerak.

❗️Eslatma: Ishtirokchi har bir (lot) yoʻnalish uchun faqat bitta taklif berishga haqli. 

❗️Tanlov ishtirokchilarining takliflari tanlov oʻtkazish toʻgʻrisidagi eʼlonda koʻrsatilgan manzil boʻyicha muhrlangan konvertda taqdim etiladi.

⚠️ Tanlovga taqdim etilgan sinopsislar va kinoloyihalar taqriz qilinmaydi va mualliflarga qaytarilmaydi. 

❕Tanlov mavzulariga mos bo‘lmagan va talablariga zid bo‘lgan kinoloyihalar muhokama uchun qabul qilinmaydi.  

Qisqartirilgan adabiy ssenariylar (sinopsislar) va kinoloyihalar belgilangan muddatlarda tanlov ishtirokchilarining (kino faoliyati bilan shug‘ullanuvchi studiya) arizasi bilan Kinematografiya agentligining Kinoloyihalar bilan ishlash boshqarmasining Davlat buyurtmasi bilan ishlash boʻlimiga topshiriladi. 

🔗 👉 Tanlov shartlari (https://t.me/uzbekkinopress/28247)
🔗 👉 Tanlovga ariza namunasi (https://t.me/uzbekkinopress/28248)  

📆 Arizalar 2026-yil 11-may soat 18:00 gacha qabul qilinadi.

📞 Qo‘shimcha ma’lumot uchun telefon: 71 277-81-49. 
📍 Manzil: Toshkent shahri, Chilonzor ko‘chasi, 1A-uy.

Quyida tanlov mavzulari bilan tanishishingiz mumkin👇
[09.04.2026 19:17] Sherzod Aka Ish: Tanlovga taqdim etiladigan kinoloyihalar quyidagi mavzu va yo‘nalishlarda qabul qilinadi: 

1. Yangi O‘zbekistonning xalqaro nufuzini yanada yuksaltirish, zamonaviy kontent yaratish hamda yosh kino ijodkorlarni qo‘llab-quvvatlash va rag‘batlantirish maqsadida kam budjetli  
(1.0 mlrd so‘mgacha) badiiy film va (100 million so‘mdan ko‘p bo‘lmagan miqdorda moliyalashtiriladigan) qisqa metrajli (badiiy va hujjatli) film loyihalari;

2. Aholining turli qatlamlari uchun ekologik mavzularda va “yashil iste’mol” madaniyatining kundalik qoidalarini bilish, tabiiy resurslarni isrof qilmaslik kabi xalqimizning milliy udum va qadriyatlarini targ‘ib qiluvchi badiiy va multiplikatsion filmlar loyihalari;  

3. Qoraqalpog‘iston Respublikasida uzoq yillar davomida rahbarlik faoliyatini amalga oshirgan, hududning iqtisodiy va ijtimoiy rivojiga salmoqli hissa qo‘shgan davlat arbobi Qallibek Kamalovning hayoti va ijtimoiy-siyosiy faoliyatini yorituvchi hujjatli film loyihalari;  

4. XII-XIII asrlarda yashagan buyuk alloma Najmiddin Kubroning boy ma’naviy merosi, tasavvuf ta’limoti va insoniy kamolot g‘oyalarini keng yoritishga qaratilgan, shuningdek, uning hayoti, ilmiy-falsafiy qarashlari va tarixiy ahamiyatini,  shu bilan birga, o‘zbek va turkman xalqlari uchun mushtarak bo‘lgan ma’naviy meros hamda tarixiy bog‘liqlik masalalarini chuqur yoritishni nazarda tutuvchi badiiy-publitsistik film loyihalari (Tanlovdan saralab olingan loyiha Turkmaniston Respublikasi tomonidan belgilangan ijodiy jamoa bilan kelishilgandan so‘ng, film ishlab chiqarishga tushiriladi);

5. Sud hukmi bilan jazoni ijro etish muassasalarida jazo muddatini o‘tayotgan talabalar tomonidan sodir etilgan jinoyatlar haqidagi qisqa metrajli (badiiy va hujjatli) film loyihalari;

6. O‘zbek milliy kinosining yorqin yulduzi, O‘zbekistonda xizmat ko‘rsatgan artist, afsonaviy aktrisa Yulduz Rizayeva hayoti va ijodiy faoliyati haqida hujjatli film loyihalari;
O‘zbekistonning iste’dodli san’atkorlari va xalq orasida keng tanilgan ustozlari – xalq artistlari Farrux Zokirov, Erkin Komilov, Saidkomil Umarov, Gulchehra Jamilova, shuningdek, O‘zbekistonda xizmat ko‘rsatgan artist Dono (Danisiya) Boboxonova va O‘zbekistonda xizmat ko‘rsatgan san’at arbobi O‘lmas Alixo‘jayevning hayoti va ijodiy faoliyatini yorituvchi hujjatli film loyihalari;

7. Bolalar haqidagi turli-tuman mavzular yo‘nalishida qisqa metrajli filmlardan iborat “Zumrasha” bolalar hajviy-kinojurnali loyihalari;

8. O‘zbekiston Respublikasi davlat mustaqilligining o‘ttiz besh yilligiga bag‘ishlab yaratiladigan #MustaqilOʻzbekiston xeshtegi ostida qisqa metrajli (badiiy va hujjatli) film va videorolik loyihalari;

9. “35 yillik Istiqlol yilnomasi” ruknida Mustaqilligimizning tarixiy bosqichlari, erishilgan yutuqlar va bunyodkorlik ishlarini yorituvchi turkum hujjatli film loyihalari.

✅  Kinematografiya agentligi Axborot xizmati
🌐 Website (https://uzbkino.uz/) 🔵Facebook (https://www.facebook.com/uzbekkino.uz/) 
📷Instagram (https://www.instagram.com/uzkinematografiya_official) 🚀Telegram (https://t.me/uzbekkinopress)

Oʻzbekiston Respublikasi Prezidenti Shavkat Mirziyoyev tashabbusi bilan global oʻzgarishlar va zamonaviy tendensiyalarni inobatga olgan holda “Oʻzbekiston – 2030” strategiyasining takomillashtirilgan loyihasi ishlab chiqildi.

Ayni paytda mazkur loyiha jamoatchilik muhokamasi uchun uzbekistan2030.uz onlayn platformasiga joylashtirilgan. Fuqarolar loyiha bilan tanishib, “Fikr qoldirish” tugmasi orqali oʻz taklif va mulohazalarini bildirishlari mumkin.

Yangi fikrlar, yangi takliflar bilan - yangi davrga shiddatli qadam! Muhokamalarda faol qatnashing! 
Markaz rasmiy sahifalari

Website (https://strategy.uz/index.php) | Telegram (https://t.me/dscuzbekistan) | Facebook (https://www.facebook.com/DSCUzbekistan/) | Youtube (https://youtube.com/@developmentstrategycenter8558?si=VnEf_vzjctVlyidd)

 Rejissyor Jamoliddin Qoʻziboyevning “CHOʻLIQ” badiiy filmi AQShning nufuzli xalqaro 
“New York Script Awards” va “Chicago Script Awards” tanlovlariga rasman qabul qilindi.

 “New York Script Awards” AQShning eng yirik madaniy markazlaridan biri bo‘lgan Nyu-York shahrida tashkil etilgan bo’lib, film ssenariylariga ixtisoslashgan xalqaro tanlovdir. Tanlovda to‘liq metrajli badiiy filmlar, qisqa metrajli filmlar va seriallar baholanadi.

 Natijalar 2026-yilning yanvar oyida e’lon qilinadi. 

 “Chicago Script Awards” ssenariy mualliflari uchun tashkil etiladigan xalqaro tanlov bo‘lib, bunda ishlar kinoshunoslar va televideniya sohasidagi mutaxassislar tomonidan baholanadi. Tanlov ijodiy yondashuv, g‘oya kuchi va dramatik tuzilishga alohida e’tibor qaratilishi bilan ajralib turadi.

 “CHOʻLIQ” filmi hozirga qadar bir qator xalqaro festivallarda turli yutuqlarni qo‘lga kiritib kelmoqda.

Ozarbayjon Madaniyat vaziri, shuningdek bir qator nufuzli tashkilotlarning kino, san’at va madaniyat sohalari vakillari O‘zbekiston Kinematografiya agentligining kino burchagi hamda boshqa davlatlar uchun tashkil etilgan kino maydonlarini borib tomosha qildilar.

Uchrashuv davomida mehmonlarga O‘zbekiston kinematografiyasining yutuqlari, yangi loyihalar va xalqaro hamkorlik istiqbollari haqida ma’lumotlar taqdim etildi.

⭐️So‘nggi yillarda Markaziy Osiyo davlatlari dunyo siyosiy xaritasida yangicha qiyofa kasb etmoqda. Mintaqa endi raqobat maydoni emas, balki taraqqiyot yo‘lida birgalikda harakat qilayotgan ishonchli ittifoqchilar ekani e'tirof etilmoqda.

➡️Batafsil: To‘liq maqolani o‘qish (https://drive.google.com/file/d/1-lIYzj61arGiciC2Yq05quSOipBCd2Z_/view?usp=sharing)

Bugun O‘zbekiston Milliy kino sanʼati saroyida hamda respublikamizning barcha viloyat kinoteatrlarida bir vaqtning o‘zida XX asrning 20-yillarida Germaniyaga o‘qishga yuborilgan va buning natijasida siyosiy qatag‘onga uchragan vatandoshimiz Maryam Sultonmurodovaning matonatli hayot yo‘li va ayanchli qismati haqidagi “Matonatli Maryam” nomli badiiy-publitsistik filmning ilk umummilliy taqdimoti bo‘lib o‘tdi.

Namoyishda Kinematografiya agentligi direktori Shuhrat Rizayev, kinoijodkorlar, yurtdoshlarimiz hamda OAV vakillari ishtirok etishdi. Shuhrat Rizayev ushbu filmning mazmuni va jamiyatdagi ahamiyati xususida atroflicha so‘z yuritdi.


Film taqdimoti Oʻzbekiston Respublikasi Oila va xotin-qizlar ishlari qoʻmitasi, Respublika maʼnaviyat va maʼrifat markazi, Yoshlar ishlari agentligi hamda Oʻzbekiston mahallalar assotsiatsiyasi bilan hamkorlikda tashkil etilgan.

Joriy yilning 21-noyabr kuni Polshaning Varshava shahri Luna kinoteatrida “O’zbek kinosi kunlari” tadbiri doirasida “Ulug’ Amir va Donna Mariya” filmining Yevropadagi ilk namoyishi bo‘lib o‘tdi. 

 Ushbu tadbir O‘zbekistonning Polshadagi elchixonasi ko‘magida tashkil qilingan. Tadbirda Kinematografiya agentligi direktori Shuxrat Rizayev boshchiligidagi delegatsiya, O‘zbekistonning Polshadagi elchixonasi xodimlari, chet ellik diplomatik korpus vakillari hamda o‘zbek vatandoshlari ishtirok etdi. 

 Kino namoyishini O‘zbekistonning Polshadagi Favqulodda va muxtor elchisi Amirsaid Agzamxodjayev hamda Agentlik direktori Shuxrat Rizayev ochib berdi.

Bugun Oʻzbekiston Milliy kino san’ati saroyida Kinematografiya agentligi hamda Oʻzbekiston Respublikasi Fanlar akademiyasi S.A. Azimov nomidagi Fizika-texnika instituti buyurtmasiga binoan, “Hujjatli va xronikal filmlar kinostudiyasi”DUK tomonidan suratga olingan “Akademik Sodiq Azimov. Quyoshga intilgan alloma” nomli hujjatli filmning namoyishi bo‘lib o‘tdi. 

 Namoyishda O‘zbekiston Respublikasi Madaniyat vazirligi huzuridagi Kinematografiya agentligi Kinoloyihalar bilan ishlash boshqarmasi boshlig‘i Shuhrat Hayitov, O‘zbekiston fanlar akademiyasi prezidenti,  O‘zbekiston qahramoni Shavkat Ayupov, kino ijodkorlar va OAV vakillari ishtirok etishdi.

Namoyishda so’zga chiqqanlar ushbu filmning yaratilish tarixi, ijodiy salohiyati hamda unda ko‘tarilgan dolzarb masalalar, akademik Sodiq A'zimovning hayoti va faoliyati to‘g‘risida iliq fikrlar bildirishdi.

 Ushbu film rejissyori Bahodir Adilov bo’lib, filmda O‘zbekistonda yadro fizikasi, yuqori energiyalar fizikasi, yarim o‘tkazgichlar fizikasi va yuqori temperaturali geliomaterialshunoslik sohalariga asos solgan, bu yo‘nalishlarni rivojlantirib, xalqaro miqyosda e’tirof etilgan oliy martabali olim Sodiq Azimovning hayot yo‘li va ilmiy faoliyati yoritilgan.

 Tadbirda O’zbekiston Respublikasi Madaniyat vazirligi huzuridagi Kinematografiya agentligi direktori Shuhrat Rizayev, Ozarbayjon Respublikasi Kinematografiya agentligi bosh direktori Rashad Azizov, Markaziy Osiyo davlatlaridan kelgan mehmonlar hamda OAV vakillari ishtirok etishdi.

✅Tadbir davomida Ozarbayjonning “Тагиев: Нефть” badiiy filmi hamda “Да будешь жить, как земля” hujjatli filmi namoyish etildi.

✅ Ma’lumot o’rnida bugun va ertaga kun davomida O’zbekiston Milliy kino san’ati saroyida Markaziy Osiyo davlatlari va Ozarbayjon davlatining durdona filmlari namoyishidan bahramand bo’lishingiz mumkin.

Ushbu tadbirda O‘zbekiston va Tojikiston kinomatografiya agentliklari mas’ul rahbarlari, kino rejissyorlar va aktyorlar, OAV vakillari hamda keng jamoatchilik ishtirok etdi. Ochilish marosimida so‘zga chiqqanlar so‘nggi yillarda ikki davlat kinomatografiyasi sohasida olib borilayotgan ishlar hamda kelajak rejalariga to‘xtalib o‘tishdi.

 “Tirik tarix” dasturi doirasida Prezident qarori va tashabbusi bilan yaratilayotgan “Yulduzlar nuri: Jomiy va Navoiy” badiiy filmi O‘zbekiston va Tojikiston kinorejissyorlari hamkorligida ishlab chiqilmoqda. Hozirda filmning Tojikiston va O‘zbekistondagi suratga olish ishlari yakunlangan bo‘lib, hozirda studiya sharoitida suratga olish ishlari davom etmoqda.

Tadbirda O‘zbekiston va Turkmaniston kinematografiya agentliklari mas’ul rahbarlari, kino rejissyorlari va aktyorlar, ommaviy axborot vositalari vakillari hamda keng jamoatchilik ishtirok etdi. Ochilish marosimidagi nutqlarda so‘nggi yillarda ikki davlat kinomatografiyasi sohasidagi hamkorlik va kelajak rejalari haqida so‘z bordi.

Ochilish marosimida rejissyor Muzaffarxon Erkinov tomonidan  “Mahdumquli Firog‘iy” badiiy filmi namoyish etildi. Ushbu film “Turkmenfilm” O‘g‘uzxon nomidagi assotsiatsiyasi bilan hamkorlikda “Yashayotgan tarix”dasturi doirasida yaratilgan.

 Ma’lumot o’rnida Turkmaniston kino kunlari “Renessans” kino uyida davom etmoqda.

 Bizni kuzatishda davom eting!

Bugun O’zbekiston Milliy kino san’ati saroyida Markaziy Osiyo davlatlari hamda Ozarbayjon kinosi kunlarining ochilishi bo’lib o’tdi. Tadbir xorijiy delegatsiyalar ishtirokidagi davra suhbati bilan boshlandi. Ochilish marosimida O’zbekiston Respublikasi Madaniyat vazirligi huzuridagi Kinematografiya agentligi direktori Shuhrat Rizayev, Ozarbayjon Respublikasi Kinematografiya agentligi bosh direktori Rashad Azizov, Qozog’iston Milliy kinoni qo’llab-quvvatlash davlat markazi Boshqaruvi Raisi o’rinbosari Adilet Omarov, Markaziy Osiyo davlatlaridan kelgan bir qancha mehmonlar hamda OAV vakillari ishtirok etishdi.

Tadbir Qozog’iston, Ozarbayjon va Qirg’iziston davlatlarining kichik metrajli hujjatli filmlari namoyishi bilan davom etdi.

 Markaziy Osiyo davlatlari hamda Ozarbayjon kinosi kunlari madaniy aloqalarni mustahkamlash, san’at orqali xalqlarni yaqinlashtirish va o‘zaro tajriba almashish uchun muhim maydon bo‘lib xizmat qilmoqda.

 Bizni kuzatishda davom eting!