Yangiliklar
Bugun O‘zbekiston Milliy kino san’ati saroyida “Mening mahallam” badiiy filmining premyerasi bo‘lib o‘tdi. Film Kinematografiya agentligi, O‘zbekiston Mahallalari uyushmasi hamda Respublika Ma’naviyat va ma’rifat markazi hamkorligida “O‘zbekfilm” kinokonserni tomonidan suratga olingan bo‘lib, unda “mahalla yettiligi” — mahalla raisi, hokim yordamchisi, yoshlar yetakchisi, xotin-qizlar faoli, profilaktika inspektori, ijtimoiy xodim va soliqchi faoliyati, ular orqali mahalla hayotidagi dolzarb masalalar yoritib berilgan.
Filmda do‘stlik, mehr-oqibat, jasorat, fidoyilik, vatanparvarlik kabi yuksak insoniy qadriyatlar tasvirlangan.
Premyerada mamlakatimizning turli hududidan tashrif buyurgan mingdan ortiq tomoshabin, jumladan davlat va jamoat tashkilotlari vakillari, san’atkorlar, ijodkorlar, yoshlar, keng jamoatchilik hamda OAV vakillari ishtirok etdi.
29.07.2025 06:14
Madaniyat vazirligi ma'lumotiga ko'ra, TURKSOY bosh kotibi Sultan Rayev raisligida bo'lib o'tgan yig'ilishda O'zbekistn Kinematografiya agentligi direktori Shuhrat Rizayev boshchiligidagi mamlakatimiz delegatsiyasi qatnashdi. Shuningdek, Ozarbayjon, Qozog'iston, Qirg'iziston, Turkmaniston, Turkiya, O'zbekiston va boshqa a'zo davlatlardan kelgan delegatsiyalar ishtirok etdi.
Tadbir doirasida tomoshabop, tarixiy va milliy qadriyatlarni aks ettiruvchi filmlar yaratish, turkiy mamlakatlar o'rtasidagi kinematografiya sohasidagi hamkorlikni mustahkamlash masalalari muhokama qilindi.
Bundan tashqari, turkiy xalqlar o'rtasida madaniy aloqalarni rivojlantirish, kino festivallarini tashkil etish, yosh kinoijodkorlarni qo'llab-quvvatlash kabi dolzarb yo'nalishlar bo'yicha kelishuvlarga erishildi.
23.07.2025 12:37
O‘zbekiston Respublikasi Prezidentining“Kinematografiya sohasini yanada rivojlantirish hamdamamlakatimiz tarixiga bag‘ishlangan filmlar turkuminiyaratishga doir chora-tadbirlar to‘g‘risida”gi PQ-209-sonli qarori hamda Kinematografiyani rivojlantirish vaqo‘llab-quvvatlash bo‘yicha Milliy komissiya vaFilmlarning g‘oyaviy-badiiy saviyasini oshirishgako‘maklashuvchi Milliy kengash qo‘shma majlisi 65/1-son bayonining “Tirik tarix” dasturiga kiritilgan filmlarniishlab chiqarish bo‘yicha tanlov o‘tkazish tartibito‘g‘risida”gi Nizom va Milliy kengash qarorigamuvofiq “Tirik tarix” filmlar turkumi bo‘yicha tanlovdag‘olib bo‘lgan kinofilmlarni ishlab chiqishga talabgorkinostudiyalar o‘rtasida 2025-yilning 19-iyun kuni pitching o‘tkazilgan edi.
18 ta filmni tasvirga olish huquqini qo‘lga kiritishuchun 41 ta studiya tomonidan ariza kelib tushganbo‘lib, shundan 5 ta kinoloyihaga bittadan ko‘p talabgorstudiya bo‘lmagani sababli, ushbu kinoloyihalar uchunpitching o‘tkazilmadi. Filmlarning g‘oyaviy-badiiysaviyasini oshirishga ko‘maklashuvchi Milliy kengashtomonidan 2 ta film kinosinopsisi qayta ko‘rib chiqilishiqayd etildi. Natijada ushbu ikkita film kinoloyihasiuchun qayta piching o‘tkaziladigan bo‘ldi.
Shunday qilib, 2025-yilining 19-iyun kuni o‘tkazilgan pitchingda 11 ta kinoloyiha uchun 24 tastudiya ishtirok etdi va Filmlarning g‘oyaviy-badiiy saviyasini oshirishga ko‘maklashuvchi Milliy kengashning 3-sonli qaroriga ko‘ra qo‘yidagi studiyalarg‘olib deb topildi. Bular:
1. “Mirzo Ulug‘bek” badiiy filmi uchun“O‘zbekfilm” kinokonserni” DUK
2. “Al-Xorazmiy” badiiy filmi uchun “RAMZ-FILM” kinostudiyasi
3. “Farhod va Shirin” badiiy filmi uchun “Brothers Partners Ship” MChJ
4. “Maqsud Shayxzoda” badiiy filmi uchun “First art media” MChJ
5. “Guloyim va Qirqqiz” badiiy filmi uchun“Qoraqalpoqfilm” kinostudiyasi
6. “Sehrli nay” badiiy filmi uchun “OLOV NUR MEDIA”
7. “Imom Moturidiy” badiiy filmi uchun“O‘zbekfilm”kinokonserni” DUK
8. “Herman Vamberi va mulla Is’hoq” badiiy-publitsistik filmi uchun “Kinematografiyani rivojlantirish markazi”
9. “Turkistonlik bahodirlar” badiiy-publitsistik filmi uchun “KREAFLY PROJE REKLAM”
10. “O‘zbek ishi” badiiy-publitsistik filmi uchun“O‘zbekfilm” kinokonserni” DUK
11. “Bibixonim” badiiy-publitsistik filmi uchun “Hujjatli va xronikal filmlar kinostudiyasi”.
28.06.2025 17:36
Bugun “Renessans” kino uyida 26-iyun – Xalqaro giyohvandlikka qarshi kurashish kuni va 30-iyun – Yoshlar kuni munosabati bilan “Biz hayotni tanlaymiz” shiori ostida “Zakovat” intellektual o‘yini bo‘lib o‘tdi.
Tadbir O‘zbekiston Respublikasi Bosh vazirining 2025-yil 22-maydagi 12/1-1423-son topshirig‘i ijrosi doirasida, O‘zbekiston Respublikasi Madaniyat vazirligi huzuridagi Kinematografiya agentligi tashabbusi bilan S.A. Gerasimov nomidagi Butunrossiya davlat kinematografiya universiteti Toshkent shahar filiali tomonidan tashkil etildi.
Intellektual bahsda ishtirokchilar bilim, tafakkur va tezkor fikrlashda o‘zaro bellashdilar. G‘olib jamoalar faxriy yorliqlar va esdalik sovg‘alari bilan taqdirlandi.
Bunday tadbirlar yoshlar ongida sog‘lom turmush tarzini targ‘ib qilish, zararli odatlardan yiroq bo‘lishga undashda muhim ahamiyat kasb etadi.
26.06.2025 14:11
Axborot va ommaviy kommunikatsiyalar agentligida Kinematografiya agentligi va tizim tashkilotlari rahbarlari ishtirokida matbuot anjumani bo‘lib o‘tdi. Tadbirga agentlik direktori Shuhrat Rizayev, “Hujjatli va xronikal filmlar kinostudiyasi” direktori Bahodir Adilov hamda “O‘zbekfilm” kinokonserni direktori Bahodir Muhamedovlar OAV vakillari va kino ixlosmandlarining savollarga javob berdilar.
Matbuot anjumanida 2025-yilning birinchi yarmi yakunlari bo‘yicha hisobot, “Tirik tarix” dasturida amalga oshirilgan ishlar hamda galdagi I vazifalar muhokama qilindi.
Malumot uchun, mazkur anjuman “O‘zbekiston 24” va “UzReport” telekanallari orqali to‘g‘ridan-to‘g‘ri efirda namoyish etildi.
Ushbu matbuot anjumani soha ochiqligi va ommaviy axborot vositalari bilan samarali hamkorlik yo‘lida muhim qadam bo‘ldi.
26.06.2025 14:08
Bugun Xalqaro turkiy madaniyat tashkiloti – TURKSOY Bosh kotibi Sulton Raev va Kinematografiya agentligi direktori Shuhrat Rizayev o‘rtasida uchrashuv bo‘lib o‘tdi.
Uchrashuv davomida amaldagi hamkorlikdagi loyihalar muhokama qilinib, TURKSOY tashkilotiga ko‘rsatilayotgan ko‘mak va faolligi uchun minnatdorchilik bildirildi va yangi qo‘shma loyihalar yuzasidan takliflar ilgari surildi.
Shuningdek, TURKSOY bilan hamkorlikda “O‘zbek kinosi kunlari”ni tashkil etish tashabbusi muhokama qilindi.
Shu bilan birgalikda, “Qo‘rqut Ota” turk dunyosi filmlari festivalida o‘zbek kinoijodkorlarining ishtiroki masalalari ko‘rib chiqildi.
Mazkur uchrashuv ikki tomonlama madaniy-gumanitar aloqalarni mustahkamlashda muhim qadam bo‘ldi.
25.06.2025 15:44
Bugun “Milliy kino san’ati saroyi”da Oʻzbekiston Respublikasi Prezidenti Shavkat Mirziyoyev tomonidan joriy yilning 5 mart kuni Korrupsiyaga qarshi kurashish boʻyicha Milliy kengashning kengaytirilgan yigʻilishida belgilangan ustuvor vazifalar ijrosini taʼminlash, shuningdek, korrupsiyaga qarshi kurashish boʻyicha belgilangan topshiriqlar ijrosini taʼminlash maqsadida Kinematografiya agentligi hamda tizim tashkilotlari xodimlari ishtirokida yigʻilish boʻlib oʻtdi.
Yigʻilishda Oʻzbekiston Respublikasi Prezidentining “Davlat organlari va tashkilotlarining korrupsiyaga qarshi ichki nazorat boʻlinmalari mustaqilligini taʼminlash hamda faoliyati samaradorligini oshirish chora-tadbirlari toʻgʻrisida”gi PQ–147-sonli qarori hamda Oʻzbekiston Respublikasi Prezidentining “Korrupsiyaga qarshi kurashish tizimini yanada takomillashtirish boʻyicha belgilangan ustuvor vazifalar ijrosini samarali tashkil etishga doir chora-tadbirlar toʻgʻrisida”gi PF–71-sonli farmoni boʻyicha amalga oshirilayotgan ishlar va kelgusida amalga oshirilishi lozim boʻlgan vazifalar muhokama qilindi.
Shuningdek, Kinematografiya agentligi rahbariyati tomonidan sohada korrupsiyaga imkon beruvchi sabablar va shart-sharoitlarni oʻrganish hamda ularni bartaraf etish, mazkur Qaror va Farmonda belgilangan vazifalarning oʻz vaqtida va toʻliq bajarilishini taʼminlash boʻyicha topshiriq berildi.
23.06.2025 12:47
Bugun Kinematografiya agentligida “Tirik tarix” loyihasi doirasida suratga olinadigan filmlar uchun talabgor studiyalar o‘rtasida pitching bo‘lib o‘tdi.
Unda Milliy kengash a’zolari “Tirik tarix” loyihasining mazmun-mohiyati, tarixiy xotirani asrash hamda yosh avlodda vatanparvarlik tuyg‘ularini shakllantirishdagi ahamiyati haqida fikr bildirdilar. Shuningdek, kelgusida suratga olinadigan badiiy hamda badiiy-publitsistik filmlarni tayyorlash bo‘yicha kinematografiya studiyalariga qo‘yilayotgan talab va takliflar muhokama qilindi.
Jumladan, Kinematografiya agentligi direktori, Badiiy kengash raisi o‘rinbosari Shuhrat Rizayev “Tirik tarix” dasturi doirasida olib borilayotgan ishlar, filmlar konsepsiyasi va ishlab chiqarish bosqichlari haqida batafsil ma’lumot berdi.
Shundan so‘ng, Kinoloyihalar bilan ishlash boshqarmasi boshlig‘i Shuhrat Hayitov “Tirik tarix” loyihasi doirasida qabul qilingan sinopsislar tanlovi natijalari yuzasidan hisobot taqdim etdi.
18 ta filmni suratga olish huquqini qo‘lga kiritish uchun 41 ta studiyadan arizalar kelib tushgan bo‘lib, ulardan 12 tasi tanlov talablariga javob bermaganligi sababli chetlashtirildi. Qolgan 29 ta studiya pitching jarayonida o‘z loyihalari taqdimoti bilan ishtirok etdi.
Milliy kengash a’zolari har bir loyiha bo‘yicha o‘z fikr-mulohazalarini bildirib, taklif va tavsiyalar berdilar hamda filmlarning g‘oyaviy va ijodiy darajasini baholadilar.
Tanlov natijalari va saralangan studiyalar ro‘yxati keyingi postlarimizda e’lon qilinadi.
Bizni kuzatishda davom eting!
19.06.2025 13:39
Bugun BDKU Toshkent filialida tashkil etilgan “Karyera kuni” mehnat yarmarkasida qator tashkilotlar va kinostudiyalar faol ishtirok etdi.
“Poytaxt bank” hamda “O‘zmilliybank” vakillari talabalar uchun imtiyozli ta’lim kreditlari, moliyaviy savodxonlik va boshqa muhim yo‘nalishlar bo‘yicha batafsil ma’lumotlar taqdim etdilar.
Tadbir doirasida O‘zbekiston Respublikasi Madaniyat vazirligi huzuridagi Kinematografiya agentligi direktori Shuhrat Rizayev hamda tizimdagi bir qator tashkilot rahbarlari bilan filial direktori, professor Iqbol Meliqo'ziy o‘rtasida hamkorlik memorandumlari imzolandi. Ushbu kelishuvlar talabalarning amaliyot o‘tashi, ijodiy loyihalarda ishtirok etishi va sohaga ishga joylashish imkoniyatlarini kengaytiradi.
Memorandum imzolagan tashkilot va kinostudiyalar:
• “Mening yurtim” telekanali
• “FOX MUSIC CINEMA” MChJ
• “OLOV-NUR-MEDIA” MChJ kinostudiyasi
• “KAMRON FILM” MChJ kinostudiyasi
• “Xasan Films” kinostudiyasi
• “Yoshlik” kinostudiyasi
• “Illusion Pictures” studiyasi
Studiyalar va tashkilotlar rahbarlari tadbirda shaxsan ishtirok etib, filial talabalari bilan kelgusidagi amaliy mashg‘ulotlar, stajirovkalar va ijodiy hamkorlik loyihalari yuzasidan fikr almashdilar.
Bu tashabbuslar yosh mutaxassislar uchun real tajriba orttirish va kino sanoatiga to‘g‘ridan-to‘g‘ri integratsiyalashish imkoniyatlarini kengaytirmoqda!
14.06.2025 14:34
2025-yilda BDKU Toshkent filialida ilmiy faoliyat tarixida muhim bosqich boshlandi — Ilmiy kengash faoliyati doirasida ilk bor bir guruh professor-o‘qituvchilarga “dotsent” ilmiy unvoni Oliy attestatsiya komissiyasi tomonidan berildi.
Ilmiy unvonga sazovor bo‘lganlar:
• Mixail Davidovich Kaminskiy
• Karim Xusanovich Mirxadiyev
• Tamilla Suxrobovna Muxamedova
• Rustam Abdullaevich Sagdullaev
• Olga Viktorovna Volodina
• Toxir Samandarovich Saidov
• Ayub Shopatxiddinovich Shahobiddinov
• Nozim Turobovich Tulyaxodjayev
• Yusuf Suleymanovich Roziqov
Ilmiy unvonlar Kinematografiya agentligi direktori Shuhrat Rizayev va filial direktori, professor Iqbol Meliqo‘ziyev tomonidan tantanali ravishda topshirildi.
Bu yutuq filial ilmiy salohiyatining yuksalayotganidan dalolat beradi. Barcha ustozlarimizni ushbu yuksak e’tirof bilan tabriklaymiz.
14.06.2025 09:42
Bugun “O‘zbekfilm” kinokonsernida Tojikiston Respublikasining O‘zbekistondagi Favqulodda va muxtor elchisi Abdujabbor Rahmonzoda hamda O‘zbekiston Respublikasi Madaniyat vazirligi huzuridagi Kinematografiya agentligi direktori Shuhrat Rizayev ishtirokida uchrashuv bo‘lib o‘tdi.
Uchrashuv davomida ikki davlat o‘rtasidagi madaniy aloqalar borasida erishilgan yutuqlar ta’kidlanib, kelgusida amalga oshiriladigan rejalar yuzasidan fikr almashildi.
Shuningdek, Tojikiston va O‘zbekiston hamkorligida suratga olinayotgan “Yulduzlar shuʼlasi: Jomiy va Navoiy” badiiy filmining keyingi bosqichlarida amalga oshiriladigan masalalar muhokama qilinib, tegishli kelishuvlarga erishildi.
Abdujabbor Rahmonzoda film ijodkorlari bilan suhbatlashib, suratga olish jarayonlari haqida o‘z fikrlarini bildirdi. Shundan so‘ng, “O‘zbekfilm” kinokonserni direktori Bahodir Muhammadov boshchiligida suratga olish pavilyonlari, liboslar va texnik jihozlar bilan yaqindan tanishdilar.
Eslatib o‘tamiz, “Yulduzlar shu’lasi: Jomiy va Navoiy” qo‘shma loyihasi “Tirik tarix” dasturi doirasida suratga olinmoqda.
09.06.2025 14:51
Bugun, 2025 yil 4 iyun kuni “Renessans” kino uyida O‘zbekiston Respublikasi Madaniyat vazirligi huzuridagi Kinematografiya agentligi hamda huquqni muhofaza qiluvchi organlar bilan hamkorlikda yig‘ilish bo‘lib o‘tdi.
O‘zbekiston Respublikasi Prezidentining 2024-yil 12-dekabrdagi F-62-son farmoyishi hamda Respublika komissiyasining 2025-yil 12-maydagi 41-son bayonida belgilangan topshiriqlar ijrosini ta’minlash maqsadida o‘tkazilgan yig‘ilishda, mustaqillik yillarida mamlakatimiz tinchligi va osoyishtaligi yo‘lida qurbon bo‘lgan 196 nafar qahramonning hayot yo‘li va jasorati aks etgan filmlar hamda ijtimoiy roliklar ishlab chiqish va ularni aholiga namoyish etish masalasi muhokama qilindi.
Yig‘ilishda Kinematografiya agentligi direktori Shuhrat Rizayev, O‘zbekiston Respublikasi Yozuvchilar ijodiy uyushmasi raisi Sirojiddin Sayyid, O‘zbekiston Respublikasi Madaniyat va Ma’rifat markazi direktori Otabek Xasanov, shuningdek, O‘zbekiston Milliy gvardiyasi, Favqulodda vaziyatlar vazirligi va Mudofaa vazirligi kabi huquqni muhofaza qiluvchi organlar vakillari ishtirok etdilar.
Yig‘ilish davomida videoroliklar yaratish bo‘yicha kelishuvga erishildi hamda ularni tayyorlash, aholiga yetkazish ishlari uchun ishchi guruh tashkil etildi.
Ushbu loyiha – fidokor qahramonlarimiz xotirasini abadiylashtirish, ularning jasoratini keng jamoatchilikka yetkazish, ayniqsa yosh avlodni vatanparvarlik ruhida tarbiyalashga qaratilgan muhim qadamdir.
04.06.2025 12:39
O‘zbekiston Respublikasi
Madaniyat vazirligi huzuridagi
Kinematografiya agentligi
Kontaktlar
+998 71 277 81 44
