Joriy yilning 16-fevralida Madaniyat vazirligi huzuridagi Kinematografiya agentligida Agentlik direktori Shuhrat Rizayev va Turkiyaning “TRT AVAZ” kanali koordinatori Yujel Kilichkaya o‘rtasida uchrashuv bo‘lib o‘tdi.
Uchrashuvda ijodiy hamkorlikni yo‘lga qo‘yish, birgalikda yangi loyihalarni ishlab chiqish yuzasidan kelishib olindi. Shuningdek, Yujel Kilichkaya yaqinlashib kelayotgan Ramazon oyi munosabati bilan Samarqand shahrida har kuni teleloyihalar olish rejalashtirilgani, buning uchun agentlikning yordami kerak ekanligini so‘radi. Agrentlik rahbariyati har qanday yordamga va taklifga tayyor ekanligini, hamkorlikda ish olib borishga rozi ekanligini bildirdi.
Shu bilan bir qatorda, Agentlik direktori Shuhrat Rizayev Ramazon oyi munosabati bilan barcha turkiy xalqlarga Ozbekistonning diniy-ma’rifiy arboblari haqida suratga olingan 30 daqiqali hujjatli filmlarni Ramazon oyida kunning bir xil vaqtida “TRT AVAZ” kanalida qo‘yib borishni taklif qildi. Kanal koordinatori esa bu taklifga rozi ekanligini, filmlar topshirilgan so‘ng ularni turk tiliga oʻgirib o‘z kanalida beg‘araz yoritib berishini ma’lum qildi.
Kinematografiya agentligi Axborot xizmati
