Yangiliklar
Joriy yilning 20-mart kuni O‘zbekiston Milliy kino san’ati saroyida mashhur turk prodyuseri Timur Savcı bilan ijodiy uchrashuv bo‘lib o‘tadi!
Timur Savcı — turk va jahon kino hamda serial industriyasida tan olingan prodyuser bo‘lib, o‘z faoliyatini o‘zbek tomoshabinlariga yaxshi tanish bo‘lgan “Ishkomli uy” (Asmalı Konak) teleserialida koprodyuser va loyiha koordinatori sifatida boshlagan.
Keyinchalik u “TIMS Productions” prodyuserlik kompaniyasiga asos solib, xalqaro maydonda e’tirof etilgan ko‘plab film va seriallarni suratga olgan. “Muhtasham yuz yil” (Muhteşem Yüzyıl), “Kosem” (Kösem), “Boshqa biri” (Bambaşka Biri), “Gulpari” (Gülperi), “Choliqushi” (Çalıkuşu) kabi mashhur loyihalar shular jumlasidan.
Timur Savcı o‘zining yuqori sifatli prodyuserlik ishlari uchun bir nechta xalqaro va mahalliy mukofotlarga sazovor bo‘lgan.
Tajribali prodyuser bilan kino olamining sir-asrorlari va xalqaro muvaffaqiyat sirlari haqidagi ijodiy uchrashuvni o’tkazib yubormang!
📍 O‘zbekiston Milliy kino san’ati saroyi
🗓 20 - mart
🔜 15:00
🆓 Kirish bepul
18.03.2025 08:31
Oʻzbekiston Milliy kino sanʼati saroyida Kinematografiya agentligi tashabbusi bilan “Tirik tarixdan nurli kelajak sari” ilmiy-amaliy anjuman boʻlib oʻtdi. Anjumanda 2024-yilda ishlab chiqarilgan filmlar sarhisobi yuritilib, tarixiy, zamonaviy, hujjatli va animatsion kinolarning rivoji tahlil qilindi.
Mutaxassislar kino sohasidagi islohotlar, milliy serillar, hujjatli filmlar va animatsiya sohasidagi muammolar hamda ularning yechimlari haqida fikr almashadilar va kino sohasida amalga oshirilayotgan islohotlar hamda kelgusidagi rejalar yuzasidan fikr almashildi.
Ma’lumot uchun: Kinematografiya agentligi tomonidan 2024-yilda jami 123 ta kinomahsulot ishlab chiqarilgan. Jumladan: 18 ta badiiy, 54 ta hujjatli, 32 ta qisqa metrajli va 8 ta animatsion filmlar, shuningdek, 9 ta serial va 2 ta reklama roligi suratga olingan.
15.03.2025 07:04
🇺🇿🇮🇳Kinematografiya agentligi va Hindistonning O‘zbekistondagi elchixonasi hamkorligida tashkil etilgan “Hind kinosi kunlari” ochilish marosimi bo‘lib o’tdi
Tadbirda Hindistonning O'zbekistondagi favqulodda va muxtor Elchisi Smita Pant, Kinematografiya agentligi direktori Shuhrat Rizayev, Bollivudning mashhur kinoijodkorlari Abhishek Bachchan, Saiyami Kher, R. Balki va Gauri Shinde va boshqalar ishtirok etishdi.
#SashaktNari shiori ostida o’tkazilayotgan “Hind kinosi kunlari” doirasida namoyish etiladigan filmlar, ayollarning jamiyatdagi o’rni, ularning rivojlanishi haqida hikoya qiladi.
Tadbirda Abhishek Bachchan, Saiyami Kher, R. Balki va Gauri Shinde ayollar muammolari haqida so‘z yuritib, “Hind kinosi kunlari” doirasida namoyish etiladigan filmlarning g‘oyalari hamda ularning ayollarning imkoniyatlarini kengaytirishdagi o‘rni haqida o‘z fikrlarini bildirdi.
15.03.2025 10:01
2024-yil davomida Agentlikning Markaziy apparatida vakant lavozimlar bo‘yicha Davlat xizmatini rivojlantirish agentligi bilan hamkorlikda tanlovlar o‘tkazildi. Natijada 18 ta lavozim uchun 10 nafar nomzod ishga qabul qilindi.
🔺 2025-yil davomida esa 6 nafar nomzod tanlov jarayonlaridan muvaffaqiyatli o‘tib, ular bilan mehnat shartnomalari imzolandi.
🔺 Hozirda Markaziy apparatda 2 ta vakant lavozim bo‘yicha tanlov jarayonlari davom etmoqda.
✅Malakali mutaxassislarni jalb etish va kinematografiya sohasini rivojlantirish maqsadida tanlovlar ochiq va shaffof tarzda o‘tkazilmoqda.
🎬 Kinematografiya agentligi Axborot xizmati
28.03.2025 07:38
Joriy yilning 29-mart kuni, Kinematografiya agentligi va Qirg‘iziston Kinematografiya departamenti hamkorligida suratga olingan “Bir kuni Samarqandda” badiiy filmining katta premyerasi bo‘lib o‘tadi.
Sarguzasht janridagi ushbu film orqali siz Temurning yo‘qolgan xazinasini izlash bahonasida ko‘hna Samarqand bo‘ylab hayajonli sayohatga otlanasiz. Film qahramonlari ko‘plab qiziqarli voqealarni boshdan kechiradi. Uch qardosh xalq tarixchilari buyuk Turon sultonining xazinasini izlash jarayonida o‘ziga xos majoziy ramz yashiringan bo‘lib, u tomoshabinga chuqur ma’no bag‘ishlaydi.
O‘zaro hamkorlikdagi ushbu kinoloyiha qo‘shni xalqlar o‘rtasidagi madaniy aloqalarni mustahkamlashda muhim vosita bo‘ldi.
📍 O‘zbekiston Milliy kino san’ati saroyi
🗓 29 - mart
🔜 15:00
20.03.2025 00:01
📊 Eʼlon qilingan 18 ta mavzu yoʻnalishidagi kinoloyihalarga 61 ta studiyadan 346 ta murojaat kelib tushdi.
📈 Tanlov komissiyasi – Badiiy kengash qaroriga koʻra, 54 ta loyiha gʻolib deb topildi.
✍️ Izoh: Gʻolib kinoloyihalarning toʻliq badiiy ssenariysi Agentlik Badiiy kengashida muhokama qilinib, studiya faoliyati Ekspertlar kengashida xulosalangandan soʻng film ishlab chiqarishga tushiriladi.
☎️ Qo‘shimcha ma’lumot uchun telefon: 71 277-81-49.
📍 Manzil: Toshkent shahri, Chilonzor ko‘chasi, 1A-uy.
18.03.2025 12:21
Eslatib o’tamiz, O‘zbekiston Milliy kino san’ati saroyida “Hind kinosi kunlari” doirasidagi filmlar 16- martga qadar bepul namoyish etiladi
15.03.2025 19:34
O‘zbekiston Milliy kino san’ati saroyida bo‘lib o‘tgan “Tirik tarixdan nurli kelajak sari” mavzusidagi ilmiy-amaliy anjumani doirasida Retro filmlar namoyishiga mo‘ljallangan yangi zal foydalanishga topshirildi. 70 o‘rinli ushbu zamonaviy zal kino ixlosmandlari uchun o‘ziga xos madaniy maskanga aylanishi kutilmoqda. Endilikda bu yerda har kuni o‘zbek va jahon kinosi durdonalarini tomosha qilish, mashhur kinoijodkorlar bilan uchrashuvlar o‘tkazish va ko‘rilgan filmlar yuzasidan muhokamalar tashkil etish imkoni mavjud.
Shuningdek, ushbu marosim doirasida Retro film klubi ham o‘z faoliyatini boshladi. Klub yetakchilari Mastura va Sardor Isxoqovlar san’at shaydolarini bir yerga jamlab, ular uchun unutilmas kino kechalarini tashkil etishni maqsad qilgan.
Bundan tashqari, Kino saroyida o‘zbek retro filmlarining eng sara namunalari aks etgan maxsus pavilon ham barpo etildi. Bu maskanda “Suyunchi”, “Shum bola”, “Abdullajon”, “To‘ylar muborak”, “Ali bobo va qirq qaroqchi”, “Oltin devor”, “Toshkent — non shahri”, “Uchrashuv” va “Sevishganlar” kabi afsonaviy filmlardan ilhomlangan maketlar namoyish etiladi.
Mazkur loyiha milliy kino san’ati merosini keng targ‘ib etish, yosh avlodga yetkazish hamda tomoshabinlarga unutilmas taassurot ulashishga xizmat qiladi.
15.03.2025 10:51
O‘zbekiston Milliy kino san'ati saroyida Hindistonning mashhur aktyori Abhishek Bachchan, Hindistonning O‘zbekistondagi elchisi Smita Pant, O‘zbekiston Respublikasi Madaniyat vazirligi huzuridagi Kinematografiya agentligi direktori Shuhrat Rizayev, Milliy kinematografiyani rivojlantirish markazi rahbari Furqat Usmonov hamda delegatsiya a'zolari ishtirokida uchrashuv bo‘lib o‘tdi.
Mehmonlar dastlab yangi ekspozitsiyalar bilan boyitilgan O‘zbekiston kino san'ati muzeyini tomosha qilib, o‘zbek kinematografiyasining o‘tmishi va bugungi rivoji haqida batafsil ma’lumot oldilar. Muzeydagi boy tarixiy materiallar va eksponatlar mehmonlarda iliq taassurot qoldirdi.
Uchrashuv davomida O‘zbekiston va Hindiston hamkorligida suratga olinayotgan kino loyihalarining keyingi bosqichini amalga oshirish, o‘zaro tajriba almashish va kelgusidagi hamkorlik masalalari muhokama qilinib, tegishli kelishuvlarga erishildi.
15.03.2025 10:26
🇺🇿🇮🇳Bugun O‘zbekiston Milliy kino san’ati saroyida Kinematografiya agentligi va Hindistonning O‘zbekistondagi elchixonasi hamkorligida tashkil etilgan “Hind kinosi kunlari” ochilish marosimi bo‘lib o’tdi
Tadbirda Hindistonning O'zbekistondagi favqulodda va muxtor Elchisi Smita Pant, Kinematografiya agentligi direktori Shuhrat Rizayev, Bollivudning mashhur kinoijodkorlari Abhishek Bachchan, Saiyami Kher, R. Balki va Gauri Shinde va boshqalar ishtirok etishdi.
Tadbir so’ngida Rejissyor R. Balkining “Ghoomer” filmi namoyish etildi. Filmda bosh rollarni Abhishek Bachchan, Saiyami Kher va Shabana Azmi ijro etgan.
Eslatib o’tamiz, #SashaktNari shiori ostida o’tkazilayotgan “Hind kinosi kunlari” doirasida namoyish etiladigan filmlar, ayollarning jamiyatdagi o’rni, ularning rivojlanishi haqida hikoya qiladi.
15.03.2025 09:17
26-fevral kuni Kinematografiya agentligi direktori Shuhrat Rizayev va "O'zbekfilm" kinokonserni" DUK direktori Bahodir Muhamedov ishtirokida indoneziyalik “Tobali film” direktori Deni Juliarto hamda “Khata Media” direktori Charles Vinsentlar bilan uchrashuv o‘tkazdi.
Uchrashuv davomida indoneziyalik kinoijodkorlar O‘zbekiston va Indoneziya madaniyati targ‘ibotini o‘zida mujassam etgan badiiy filmni suratga olishni reja qilishayotgani, bu borada Agentlik bilan ijodiy hamkorlikka umid bog‘lashayotganini ma’lum qilishdi.
Indoneziyalik kinoijodkorlar muloqotda mazkur film ko‘p jihatdan buyuk muhaddis Imom al-Buxoriy hayoti va ijodiga bag‘ishlanishi haqida qayd etishib, tasvirga olish ishlari jumladan transport, texnika va manzillar bo‘yicha tashkiliy jarayonlarda ham ko‘mak so‘rashdi.
O‘zbekiston tomoni tasvirga olinajak, badiiy film ssenariysi taomilga ko‘ra, Agentlikning Ekspertlar kengashi ko‘rigidan o‘tkazilib, ijobiy xulosa olingach hamkorlik qilishga tayyor ekanligini ta’kidlashdi.
Tasvirga olish jarayonidagi tashkiliy ishlar minimal miqdorda kelishilgan narxlarda amalga oshirilishi belgilab olindi.
🎬 Kinematografiya agentligi Axborot xizmati
27.02.2025 06:17
Xabaringiz bor, Oʻzbekiston Milliy kino sanʼati saroyida Oʻzbekiston Respublikasi Madaniyat vazirligi huzuridagi Kinematografiya agentligi buyurtmasi asosida 2024-yilda ishlab chiqarilgan badiiy, badiiy-publitsistik, hujjatli, qisqa metrajli va animatsion filmlarning “Ochiq eshiklar kuni” doirasidagi namoyishlari bo‘lib o‘tmoqda.
Bugun “Ishq va anduh”, “Odina” badiiy fimlari hamda “Mukarrama Turgʻunboyeva”, “Halima Nosirova”, “Joʻraxon Sultonov”, “Muhiddin Rahimov”, “Fattohxon Mamadaliyev”, “Toʻra Sulaymon”, “Baxtiyor Sayfullayev” va “Alisher Navoiy” nomli filmlarning namoyishi bo‘lib o‘tdi. Namoyishda kinoijodkorlar, talaba-yoshlar, kino ixlosmandlari hamda OAV vakillari ishtirok etishdi.
Shuningdek, Kino saroyga tashrif buyurgan tomoshabinlar yangi ekspozitsiyalar bilan boyitilgan O‘zbekiston Kino sanʼati muzeyi faoliyati bilan yaqindan tanishib, milliy kino merosimizning boy va rang-barang tarixidan bahramand bo‘lmoqdalar.
Ma'lumot uchun, “Ochiq eshiklar kuni” doirasidagi bepul kinonamoyishlar joriy yilning 20-fevralidan 6-mart sanasiga qadar Oʻzbekiston Milliy kino sanʼati saroyida bo‘lib o‘tadi.
Barchani “Ochiq eshiklar kuni” doirasidagi kinonamoyishlarga taklif qilamiz!
27.02.2025 06:09
O‘zbekiston Respublikasi
Madaniyat vazirligi huzuridagi
Kinematografiya agentligi
Kontaktlar
+998 71 277 81 44
