Yangiliklar
47-Moskva xalqaro kinofestivali (MXKF) doirasida ilk bor Yevroosiyo kinematografiya san’ati akademiyasi - “Brilliant kapalak” kinomukofotining taqdimoti o‘tkazildi.
Ushbu nufuzli tadbirda O‘zbekiston delegatsiyasi ham ishtirok etdi. Delegatsiyaga Kinematografiya agentligi direktor o‘rinbosari Alisher Xadjayev rahbarlik qilmoqda.
Taqdimotda Rossiya va Belarus madaniyat vazirlari, “Mosfilm” rahbari Karen Shaxnazarov, “Gazprom-Media Holding” prezidenti Aleksandr Jarov, mashhur prodyuserlar, rejissyorlar, aktyorlar va xalqaro hakamlar hay’ati a’zolari qatnashdi.
Tadbir avvalida Rossiya Prezidenti Vladimir Putin video murojaat orqali ishtirokchilarni tabriklab, Yevroosiyo kinoakademiyasining tashkil etilishi bugungi murakkab davrda alohida ahamiyatga ega ekanini ta’kidladi. Shuningdek, kinoakademiya doirasida yosh kinoijodkorlar uchun ta’lim dasturlari va talabalar almashinuvi rejalashtirilganini ma’lum qildi.
Mukofot 12 ta nominatsiya bo‘yicha topshiriladi: eng yaxshi film, rejissyor, ssenariy muallifi, operator, bastakor, rassom, asosiy va ikkinchi darajali rollarda eng yaxshi aktyor va aktrisa, Yevroosiyo hududiga kirmaydigan davlatdan eng yaxshi film hamda jahon kinematografiyasiga qo‘shgan hissasi uchun maxsus sovrin.
Ma’lumot uchun, “Brilliant kapalak” haykalchasi mashhur rassom Yuriy Kuper tomonidan yaratilgan bo‘lib, har bir statuetkaga 5000 dona sun’iy brilliant o‘rnatilgan.
Mukofotning bosh sovrini — “Eng yaxshi film” uchun 1 million AQSh dollari miqdorida pul mukofoti ajratilgan. Qolgan nominatsiyalarda g‘oliblar 250 ming dollardan mukofot oladilar.
Mukofotni topshirish marosimi 2025-yil 5-dekabr kuni Moskvada o‘tkazilishi e’lon qilindi.
23.04.2025 13:21
O‘zbekiston Respublikasi Prezidentining 2025-yil 6-martdagi PQ-93-sonli qarori — “Sirdaryo viloyatida ishbilarmonlik muhiti, infratuzilma va aholi turmush darajasini yanada yaxshilash to‘g‘risida”gi qaror asosida ishlab chiqilgan “Yo‘l xaritasi”da Guliston shahrida zamonaviy va ixcham kinoteatr tashkil etish, unda yoshlar uchun filmlar namoyish etish bo‘yicha aniq vazifalar belgilangan edi.
21-aprel kuni Sirdaryo viloyatining Guliston shahrida Yoshlar kinoteatrining tantanali ochilish marosimi bo‘lib o‘tdi.
Marosimda Kinematografiya agentligining Ijro apparati rahbari Navruz Musayev hamda Sirdaryo viloyati hokimining turizm, sport, madaniyat, madaniy meros va ommaviy kommunikatsiyalar masalalari boʻyicha oʻrinbosari Shoxrux Isakulov so‘zga chiqib, ushbu kinoteatr yoshlarning maʼnaviy va madaniy dunyoqarashini boyitishda muhim maskanga aylanishi kutilayotganini ta’kidladilar.
Tadbir davomida mehmonlar va yoshlar uchun “Uch qahramon” badiiy filmi namoyish etildi. Shuningdek, film namoyishidan avval kinoijodkorlar bilan ijodiy uchrashuv ham tashkil etildi. Aktyor va aktrisalar filmning mazmun-mohiyati hamda yoshlar tarbiyasidagi o‘rni haqida o‘z fikr-mulohazalarini bildirdilar.
Mazkur kinoteatr yoshlar uchun nafaqat madaniy hordiq, balki o‘z ijodiy salohiyatlarini yuzaga chiqarishlari uchun ham yangi imkoniyatlar eshigini ochadi.
23.04.2025 12:37
Mahmudxo‘ja Behbudiyning 150 yilligi munosabati bilan Tokio shahrida bo‘lib o‘tayotgan xalqaro ilmiy anjuman doirasida Tokio Chet tillari universiteti (Tokyo University of Foreign Studies) talabalari bilan uchrashuv o‘tkazildi.
Uchrashuvda ishtirokchilar o‘zbek jadidchiligi, Mahmudxo‘ja Behbudiy merosi, zamonaviy O‘zbekiston kinematografiyasi va ikki davlat o‘rtasidagi madaniy aloqalar haqida fikr almashdilar.
Uchrashuv yakunida “Mahmudxo‘ja Behbudiy” badiiy-publitsistik filmi namoyish etildi. Film tomoshabinlar tomonidan katta qiziqish bilan kutib olindi va talabalar hamda mutaxassislar o‘rtasida mazmunli bahs-munozaralarga sabab bo‘ldi.
19.04.2025 17:21
O'zbekiston Respublikasi Madaniyat Vazirligi huzuridagi Kinematografiya Agentligi ko'magi bilan 2025-yil 15-18-aprel kunlarida "O'zbekiston milliy kinofondi" DM direktori Sherzod Norov va mas’ul hodim Husan Yusopovlar Moskva viloyatida joylashgan GosFilmoFondda tajriba almashish maqsadida ijodiy safar uyushtirdi.
Ijodiy safar davomida GosFilmoFondda kinolentalarning qanday sharoitda saqlanishi, ularning restavratsiya qilish jarayonlari hamda filmlarni saqlash bo’yicha kerakli barcha ko’nikmalar xususida tajriba almashilindi va muhim jihatlar o’zlashtirildi.
🇺🇿🇷🇺 “O’zbekiston milliy kinofondi” DM ushbu hamkorlikni davomli bo’lishini kutib qoladi.
19.04.2025 17:15
Joriy yilning 14–21-aprel kunlari Yaponiyaning Tokio shahrida Jadidlar harakati namoyondasi Mahmudxo‘ja Behbudiy tavalludining 150 yilligi munosabati bilan xalqaro ilmiy seminar tashkil etilgan.
Seminar Markaziy Osiyodagi islohotchilik harakati va jadidchilik merosini chuqur tadqiq qilish hamda targ‘ib etishga qaratilgan bo‘lib, mazkur tadbirda O‘zbekiston Respublikasi Madaniyat vazirligi huzuridagi Kinematografiya agentligi direktori Shuhrat Rizayev ham ishtirok etmoqda.
Bugun mazkur ilmiy anjuman doirasida “Mahmudxo‘ja Behbudiy” badiiy-publitsistik filmining namoyishi bo’lib o’tdi
Shuningdek, tashrif doirasida yaponiyalik kinoijodkorlar bilan hamkorlikda suratga olinayotgan “Yengilmas: Tokioga yo‘l” filmi premerasini o‘tkazish yuzasidan muzokaralar olib borish va “Tirik tarix” dasturidan o‘rin olgan “Sakura ifori” badiiy filmini suratga olish bo‘yicha hamkorlik masalalari kabi ishlar rejalashtirilgan.
19.04.2025 15:49
Bugun Kinematografiya agentligi direktor o‘rinbosari Alisher Xodjayev Qatar Davlatining “Al-Jazeera Media Network” delegatsiyasi bilan uchrashuv o‘tkazdi.
Uchrashuvda “Al-Jazeera Documentary” telekanali direktori Ahmad Mahfuz hamda telekanalning rejalashtirish va grafik tuzish departamenti boshlig‘i Odil Ksiksi ishtirok etdi.
Suhbat davomida Alisher Xodjayev mehmonlarga agentlik faoliyati, O‘zbekistonda kino sohasida amalga oshirilayotgan loyihalar hamda xalqaro hamkorlik imkoniyatlari haqida batafsil ma’lumot berdi.
Uchrashuv yakunida Kinematografiya agentligi va “Al-Jazeera Media Network hamkorlikda yangi loyihalar yaratish, “Al-Jazeera Documentary” platformasida o‘zbek hujjatli filmlari namoyish etilishi va O‘zbekistonning turli lokatsiyalarida qo‘shma filmlar suratga olinishi bo’yicha kelishuvga erishildi.
Shuningdek, tomonlar o‘rtasida o‘zaro hamkorlik memorandumi imzolash taklifi ilgari surildi.
16.04.2025 11:42
2024-yil davomida Agentlikning Markaziy apparatida vakant lavozimlar bo‘yicha Davlat xizmatini rivojlantirish agentligi bilan hamkorlikda tanlovlar o‘tkazildi. Natijada 18 ta lavozim uchun 10 nafar nomzod ishga qabul qilindi.
2025-yil davomida esa 6 nafar nomzod tanlov jarayonlaridan muvaffaqiyatli o‘tib, ular bilan mehnat shartnomalari imzolandi.
Hozirda Markaziy apparatda 1 ta vakant lavozim bo‘yicha tanlov jarayonlari davom etmoqda.
Bugun mazkur lavozimga 2 nafar nomzod suhbatdan o’tkazildi.
Malakali mutaxassislarni jalb etish va kinematografiya sohasini rivojlantirish maqsadida tanlovlar ochiq va shaffof tarzda o‘tiazilmoqda
07.04.2025 13:48
Bugun Kinematografiya agentligi va Qirg‘iziston Kinematografiya departamenti hamkorligida suratga olingan “Bir kuni Samarqandda” badiiy filmining katta premyerasi bo‘lib o‘tdi.
Namoyishda Kinematografiya agentligi direktori Shuhrat Rizayev, Qirg‘iziston Respublikasi Madaniyat, axborot va yoshlar vazirligi huzuridagi Kinematografiya departamenti direktori Ulan Adamaliyev, “Kirgiztasmasi” davlat korxonasi direktori Almaz Tulekeev, filmning ssenariy muallifi va rejissyori Naizabek Sydykov, kinoijodkorlar, tomoshabinlar hamda OAV vakillari ishtirok etishdi.
Namoyish avvalida Qirg‘iziston Respublikasi Madaniyat, axborot va yoshlar vazirligi huzuridagi Kinematografiya departamenti direktori Ulan Adamaliyev hamda O‘zbekiston Respublikasi Madaniyat vazirligi huzuridagi Kinematografiya agentligi direktori Shuhrat Rizayev ikki mamlakatda ishlab chiqarilayotgan filmlarning prokat aylanmasini kengaytirish va yangi loyihalar bo‘yicha hamkorlikni mustahkamlash maqsadida memorandum imzoladilar.
Sarguzasht janridagi ushbu film orqali siz Temurning yo‘qolgan xazinasini izlash bahonasida ko‘hna Samarqand bo‘ylab hayajonli sayohatga otlanasiz. Film qahramonlari ko‘plab qiziqarli voqealarni boshdan kechiradi. Uch qardosh xalq tarixchilari buyuk Turon sultonining xazinasini izlash jarayonida o‘ziga xos majoziy ramz yashiringan bo‘lib, u tomoshabinga chuqur ma’no bag‘ishlaydi.
Filmni O‘zbekiston Milliy kino san’ati saroyi va yurtimiz kinoteatrlarida tomosha qilishingiz mumkin.
29.03.2025 16:29
Bugun Qirg‘iziston Respublikasi Madaniyat, axborot va yoshlar vazirligi huzuridagi Kinematografiya departamenti direktori – Adamaliyev Ulan Aylchievich, “Kirgiztasmasi” davlat korxonasi direktori – Tulekeev Almaz Toktogazyevich, hamda taniqli ssenariy muallifi va rejissyor – Sydykov Naizabek Ravshanbekovich “O‘zbekfilm” kinokonserniga tashrif buyurishdi.
Mehmonlar kinokonsernning tasvirga olish pavilionlari, suratga olish jihozlari va boshqa eksponatlari bilan yaqindan tanishishdi va o’zbek kino sohasida amalga oshirilgan ishlarni yuqori baholashdi.
Shuningdek, uchrashuv davomida O‘zbekiston va Qirg‘iziston hamkorligida yaratiladigan yangi loyihalar muhokama qilindi.
29.03.2025 16:15
27-mart – Xalqaro teatr kuni munosabati bilan 35 nafar teatr san’ati vakillari “Madaniyat va san’at fidokori” ko‘krak nishoni bilan taqdirlandi
Shu qatorda O‘zbekiston Respublikasi Madaniyat vazirligi huzuridagi Kinematografiya agentligi direktori Shuhrat Rizayev ham ushbu yuksak mukofotga sazovor bo‘ldi.
Shuhrat Rizayevni mazlur mukofot bilan samimiy tabriklaymiz! Kinematografiya rivoji yo‘lidagi fidokorona faoliyatlarida muvaffaqiyatlar tilaymiz!
28.03.2025 08:24
2024-yil davomida Agentlikning Markaziy apparatida vakant lavozimlar bo‘yicha Davlat xizmatini rivojlantirish agentligi bilan hamkorlikda tanlovlar o‘tkazildi. Natijada 18 ta lavozim uchun 10 nafar nomzod ishga qabul qilindi.
2025-yil davomida esa 6 nafar nomzod tanlov jarayonlaridan muvaffaqiyatli o‘tib, ular bilan mehnat shartnomalari imzolandi.
Hozirda Markaziy apparatda 2 ta vakant lavozim bo‘yicha tanlov jarayonlari davom etmoqda.
Malakali mutaxassislarni jalb etish va kinematografiya sohasini rivojlantirish maqsadida tanlovlar ochiq va shaffof tarzda o‘tkazilmoqda.
28.03.2025 07:57
25-mart — “Yer vaqti” ekologik aksiyasi doirasida Kinematografiya agentligi binosuda atrof-muhitni muhofaza qilish va energiyani tejashga e’tibor qaratish maqsadida barcha elektr jihozlari bir soatga o‘chirildi.
Ushbu aksiya elektr energiyasidan oqilona foydalanish, tabiiy resurslarni tejash va iqlim o‘zgarishiga qarshi kurashish masalalariga jamoatchilik e’tiborini jalb qilishga xizmat qiladi.
“Yer vaqti” doirasida o‘tkazilayotgan bunday tadbirlar aholining ekologik madaniyatini oshirishga, atrof-muhitni asrab-avaylashga va barqaror yashil kelajak sari qadam tashlashga ko‘maklashadi.
25.03.2025 15:06
O‘zbekiston Respublikasi
Madaniyat vazirligi huzuridagi
Kinematografiya agentligi
Kontaktlar
+998 71 277 81 44
