Yangiliklar

Bugun Buxoro davlat pedagogika institutida “Kinokarvon” tadbirlarining birinchi ijodiy uchrashuvi boshlandi. Uchrashuvda Respublika Xotin-qizlar qoʻmitasi vakillari, Buxoro viloyati hokimligi, Buxoro davlat pedagogika instituti rahbariyati hamda talabalar ishtirok etishdi.

Tadbir davomida “Uyga qaytish” badiiy filmining ijodiy jamoasi talaba yoshlarni qiziqtirgan savollariga javob berishdi va samimiy, ijodiy suhbat  bo’lib o’tdi.

Uchrashuv so’ngida “Uyga qaytish” badiiy filmi namoyish etildi. 

Ma’lumot uchun, Kinematografiya agentligi hamda Respublika Maʼnaviyat va maʼrifat markazi hamkorligida tashkil etilgan “Kinokarvon” loyihasi butun respublika bo’ylab o’tkazilishi rejalashtirilgan bo’lib, keyingi manzil- Qoraqalpog‘iston!

🇺🇿🇲🇳 Kinematografiya agentligi direktori Shuhrat Rizayev Mo‘g‘ulistonning O‘zbekistondagi Favqulodda va Muxtor Elchisi Daadanxuu Batbaatar bilan uchrashdi. 

Joriy yilning 20-mart kuni O‘zbekiston Milliy kino san’ati saroyida mashhur turk prodyuseri Timur Savcı bilan ijodiy uchrashuv bo‘lib o‘tadi!

Timur Savcı — turk va jahon kino hamda serial industriyasida tan olingan prodyuser bo‘lib, o‘z faoliyatini o‘zbek tomoshabinlariga yaxshi tanish bo‘lgan “Ishkomli uy” (Asmalı Konak) teleserialida koprodyuser va loyiha koordinatori sifatida boshlagan.

Keyinchalik u “TIMS Productions” prodyuserlik kompaniyasiga asos solib, xalqaro maydonda e’tirof etilgan ko‘plab film va seriallarni suratga olgan. “Muhtasham yuz yil” (Muhteşem Yüzyıl), “Kosem” (Kösem), “Boshqa biri” (Bambaşka Biri), “Gulpari” (Gülperi), “Choliqushi” (Çalıkuşu) kabi mashhur loyihalar shular jumlasidan.

Timur Savcı o‘zining yuqori sifatli prodyuserlik ishlari uchun bir nechta xalqaro va mahalliy mukofotlarga sazovor bo‘lgan.

Tajribali prodyuser bilan kino olamining sir-asrorlari va xalqaro muvaffaqiyat sirlari haqidagi ijodiy uchrashuvni o’tkazib yubormang! 

Oʻzbekiston Milliy kino sanʼati saroyida Kinematografiya agentligi tashabbusi bilan “Tirik tarixdan nurli kelajak sari” ilmiy-amaliy anjuman boʻlib oʻtdi. Anjumanda 2024-yilda ishlab chiqarilgan filmlar sarhisobi yuritilib, tarixiy, zamonaviy, hujjatli va animatsion kinolarning rivoji tahlil qilindi.

Mutaxassislar kino sohasidagi islohotlar, milliy serillar, hujjatli filmlar va animatsiya sohasidagi muammolar hamda ularning yechimlari haqida fikr almashadilar va kino sohasida amalga oshirilayotgan islohotlar hamda kelgusidagi rejalar yuzasidan fikr almashildi. 

Ma’lumot uchun: Kinematografiya agentligi tomonidan 2024-yilda jami 123 ta kinomahsulot ishlab chiqarilgan. Jumladan: 18 ta badiiy, 54 ta hujjatli, 32 ta qisqa metrajli va 8 ta animatsion filmlar, shuningdek, 9 ta serial va 2 ta reklama roligi suratga olingan. 

🇺🇿🇮🇳Kinematografiya agentligi va Hindistonning O‘zbekistondagi elchixonasi hamkorligida  tashkil etilgan “Hind kinosi kunlari” ochilish marosimi bo‘lib o’tdi

Joriy yilning 29-mart kuni, Kinematografiya agentligi va Qirg‘iziston Kinematografiya departamenti hamkorligida suratga olingan “Bir kuni Samarqandda” badiiy filmining katta premyerasi bo‘lib o‘tadi.

Sarguzasht janridagi ushbu film orqali siz Temurning yo‘qolgan xazinasini izlash bahonasida ko‘hna Samarqand bo‘ylab hayajonli sayohatga otlanasiz. Film qahramonlari ko‘plab qiziqarli voqealarni boshdan kechiradi. Uch qardosh xalq tarixchilari buyuk Turon sultonining xazinasini izlash jarayonida o‘ziga xos majoziy ramz yashiringan bo‘lib, u tomoshabinga chuqur ma’no bag‘ishlaydi.

O‘zaro hamkorlikdagi ushbu kinoloyiha qo‘shni xalqlar o‘rtasidagi madaniy aloqalarni mustahkamlashda muhim vosita bo‘ldi.